Plantun de Prouvènço

Pèr coumpara dos planto d'encò nostre

Lilium martagon & Juncus trifidus

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.

Port : Grando erbo
Taio : 50 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Lilium
Famiho : Liliaceae

Ordre : Liliales

Coulour de la flour : Roso
Petalo : 6
Ø (o loungour) flour : 25 à 40 mm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Vo
Jun à juliet

Liò : Prado umido - Melounié - Faio - Prado à rousèu
Estànci : Subremediterran à Subaupen
Couroulougi : Bourealo
Ref. sc. : Lilium martagon L., 1753

Jounc(-trifide)

Juncus trifidus

Juncaceae

Nom en français : Jonc trifide.

Descripcioun :
Lou jounc-trifide trachis en group dins li pelouso e roucaio de mountagno sus sòu séusous. Se recounèis à si tres lòngui bratèio. Li fueio basalo soun de guèno e li de la cambo reston courteto (< 1 cm). L'enflourejado, courteto peréu, caup mens de 5 flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 6 à 8 mm
Flourido : Estiéu

Sòu : Si
Autour basso e auto : 1700 à 3000 m
Aparado : Noun
Juliet à avoust

Liò : Pelouso - Roucaio - Bas palun
Estànci : Subaupen à Aupen
Couroulougi : Artico-Aupenco
Ref. sc. : Juncus trifidus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lilium martagon & Juncus trifidus

ges

Coumpara Martagoun emé uno autro planto

Coumpara Jounc(-trifide) emé uno autro planto